У пятніцу, 24 лютага, для вучняў 5-10 класаў была арганізавана экскурсія ў літаратурна-этнаграфічны музей Якуба Коласа ў в. Люсіна. У 1902 годзе  менавіта тут, у глухой у той час вёсачцы Люсіна, пачынаў сваю працоўную дзейнасць выпускнік настаўніцкай семінарыі Кастусь Міцкевіч, будучы пясняр беларускага народа Якуб Колас, які ў аповесці  “У палескай глушы” прыгожа апісаў гэты палескі край і сябе ў вобразе Лабановіча.