сайт
“Мне выпала шчасце тут нарадзіцца!..”
КУКАВА — вёска ў складзе Агарэвіцкага с/с, на аўтадарозе Ганцавічы — Клецк, за 12 км на паўночны ўсход ад горада і чыгуначнай станцыі Ганцавічы (на лініі Лунінец — Баранавічы). У 2006 годзе вёска атрымала статус аграгарадка.
Забудова вёскі раздзелена аўтадарогай Ганцавічы — Клецк на дзве часткі: заходнюю ўтвараюць 6 вуліц (Камуністычная, Садовая, Маладзёжная, Лясная, Юбілейная і Беларуская) і 2 завулкі (Школьны і Піянерскі), усходняя яўляе сабой прамалінейную, двухбакова забудаваную вуліцу Гагарына, арыентаваную з захаду на ўсход. Мясцовасць належыць басейну Дняпра, на захадзе вёскі ёсць сетка меліяратыўных каналаў са сцёкам у раку Цну.
