24 мая ў ГПД Кукаўскай СШ адбылося краязнаўчае падарожжа "Беларуская хата" з цыкла мерапрыемстваў, прысвечаных Году малой радзімы. У госці да вучняў завітала загадчык Кукаўскай сельскай бібліятэкі Віннік Алена Уладзіміраўна. Яна расказала вучням, якая мэбля была ў хатах нашых продкаў, як ткаліся посцілкі, дзе ў хаце знаходзілася саме пачэснае месца. Асаблівая ўвага ў аповедзе Віннік А.У. была нададзена беларускаму ручніку, сімволіцы яго вышыўкі. А потым выхавацель ГПД Януць Ларыса Уладзіміраўна пазнаёміла дзяцей з прыладамі працы (з асабістых калекцый вяскоўцаў), якімі карысталіся нашы продкі ў паўсядзённым жыцці.